• 2 otaq
• 67 m²
• 9/9 mərtəbə

Mənzil 9 mərtəbəli binanın 9-cu mərtəbəsində, ən çox tələb olunan orta blokda yerləşir.
Bu evin əsas üstünlüyü, tam yeni və zövqlə aparılmış təmiridir. Təmir zamanı bahalı və keyfiyyətli materiallardan istifadə olunub və ən önəmlisi, təmirdən sonra mənzildə yaşayış olmayıb.
Mənzil yelçəkəndir, bu da həm yayda sərinlik, həm də təmiz hava deməkdir. Hər iki tərəfə açılan eyvanlar isə əlavə rahatlıq və genişlik hissi yaradır. Mənzildən dənizə gözəl panorama açılır, bu da günün müxtəlif saatlarında gözəl mənzərə və xüsusi komfort hissi bəxş edir, yenicə qurulmuş döşəmədən tavana kimi olan panoramik pəncərə sistemi bu mənzərəni daha da xoş edir. Eyvan, cam balkon sistemi ilə təchiz edilib, həm qış həm yayda panoramalı "çay dəsgahı" məkanıdır. Əraziyə xas olaraq, hava təmiz və dəniz təravətlidir, bu isə gündəlik yaşayış üçün böyük üstünlükdür.
Hamam otağında isti döşəmə sistemi quraşdırılıb. Mənzil mərkəzi istilik sistemi ilə təmin olunub və qış aylarında çox isti olur. Eyni zamanda, sistem elə qurulub ki, istəyə uyğun kombi ilə əvəz etmək mümkündür. İsti su üçün yeni quraşdırılmış Demirdöküm sistemi mövcuddur.
Binada yeni, müasir lift quraşdırılıb. Həyətdə avtomobil saxlamaq üçün kifayət qədər rahat şərait var.
Ərazi baxımından isə mənzil tam ideal nöqtədə yerləşir, Araz, Rahat və Megastore kimi böyük marketlər, məktəb, uşaq bağçası, apteklər və ictimai nəqliyyat dayanacaqları bir neçə addımlıq məsafədədir. Bundan əlavə, binadan cəmi 50 metr aralıda yeni salınmış İnqilab İsmayılov parkı yerləşir ki, bu da gəzinti və ailəvi istirahət üçün əla imkandır.
Sənədlər tam qaydasındadır, kupça var, qeydiyyatda yalnız 1 nəfərdir. Vasitəçi deyiləm.

• 3 otaq
• 75 m²

Qəbələ hovuzlu bağ evi.
Ev çox sakit bir yerdə, dağlara və meşəyə açılan əsrarəngiz mənzərəsi ilə seçilən Tüntül kəndindədir. Qəbələ rayonunun bütün istirahət mərkəzlərinin yaxınlığında yerləşir, evin yerləşdiyi yerin 300 metrliyindən meşə massivi başlayır, gəzinti üçün əla yerdir. Evin yaxınlığında (2km məsafə) Yengicə Hotel və spa mərkəzi işləyir, naftalan vannası və yerdən çıxan müalicəvi sularla, ayrıca ödəniş etməklə (30 azn) oteldə qalmasanız belə, seanslara yazıla, sauna və hovuz xidmətlərindən yararlana bilərsiniz. Digər tərəfdə isə Nohur göl yerləşir (3km) uşaqların əylənməsi və göl qırağında dincəlmək üçün əla məkandır.
Evdə 6x4 metrə ölçüdə hovuz inşa edilib, gigiyenik qaydalara uyğun olaraq, filter və dərmanlarla mütəmadi nəzarət altında saxlanılır.
Evə nəzarət edən qonşuluqda yaşayan gözəl bir kənd ailəsidir, Xanımın ixtisası aşpazdır. Əlavə ödəniş qarşılığında istədiyiniz milli və Qəbələyə xas olan, yerli təamları sifariş verə bilərsiniz.
Evdə 2 yataq otağı, ayrıca mətbəx və 2 sanitar qovşaq vardır. Kondisioner, wifi, televizor, soyuducu, qaz peçi, paltaryuyan mövcuddur. Evə bitişik eyvanda və həyətdə yerləşən, söhbətgah yerində əyləşib, kristal təmiz havadan və mənzərədən zövq ala bilərsiniz. Həyətdə manqal və samovar qonaqların ixtiyarına verilir. Avtomobil üçün həm bayırda, həm də həyətdə yer mövcuddur. Ev 5+1 nəfər üçün nəəzərdə tutulub. Xahiş olunur yalnız ailəlilər müraciət etsin.
*Qəbələ hovuz, Qəbələ baseyn